جمعنا لكم من قسم نكت وفوازير مجموعة متنوعة من نكت مضحكة جدا تصلح للاستخدام بين الأصدقاء أو الأقارب، وذلك ضمن التجمعات المختلفة لإضفار روح المرح والرفاهية عليهم، ومنها :
نكت مضحكة جدا
- واحد صعيدى بيقول لصاحبه شوف العالم الهطله بيدفعوا 25 مليون علشان بن لادن أمال لو كان بن محوج كانوا عملوا إيه.
- ندل واقف فى ميكروباص.. ضحك لبنت ضحكتله.. غمزلها غمزتله.. شاورلها تنزل.. نزلت قعد هو مكانها.
- واحد أهبل مراته ولدت بعد شهر من الجواز سألوه ازاي؟!! قالهم يا نهار أسود على الحسد ياناس.
- مرة واحد كسلان اتجوز واحدة كسلانة كسلوا يخلفوا.
- مره واحد بيقول لمراته عايز اعترفلك بحاجه.. قالتله قول.. قالها أنا بحب هاينز .. قالتله وأنا بحب هيثم.. قالها هاينز دى صلصة.. قالتلو وهيثم ده مربى.
- واحد اتجوز واحدة اسمها نعمة باسها وش وضهر.
- مرة واحد عداه العيب خد اللي بعده.
- شرطي مرور خلف واد بيتكلم بالإشارة..
- مرة واحد راح الجهاديه طلع من الجهة التانيه..
- عشر صعايدة بيتعلموا ربط الكرافتة 6 ماتوا و 4 في حاله حرجة.
- في المدرسه أستاذ الرياضيات بيسأل التلميذ بتاعه: لو باباك استلف ألف جنيه من البنك وألف جنيه تانيه من جاركم يبقى هيرجع كام الف؟ التلميذ: مش هيرجع حاجه يا أستاذ.. الأستاذ: يا ابني استلف ألف وبعديها ألف تاني.. التلميذ: مش هيرجع حاجه يا أستاذ.. الأستاذ: اقعد يا ابني أنت متعرفش حاجه في الحساب.. التلميذ: أنت اللي متعرفش أبويا.
- واحد سنانه كلها طايرة ما عدا الأنياب… قدم على وظيفة عينوه خرامة..
- واحد راح الصيدلية وقال للدكتور: عايز لبن أطفال… الدكتور: اسمه ايه؟ قاله اسمه أشرف.
- صعيدى دخل راسه فى قفص الأسد.. الحارس قاله أنت بتعمل ايه يا بويا؟ قاله يا عم ما تخافش واحنا هناكله.
- فرختين ماشيين الأولى معلقة بيضة على رقبتها.. فالتانية بتسالها اية البيضة دي؟ قالتلها دي صورتي وأنا صغيرة.
- بخيل وقعت فلوسه من فوق السطح نزل ملقاهمش.. ليه؟ نزل أسرع منهم.
- مرة 5 دخلوا كلية الهندسة اثنين طلعوا مهندسين وثلاثة مدينة نصر.
- بطة مسطولة راحت للبقال قالتله عندك عنب؟ قالها لا.. راحت ورجعت تاني قالتله عندك عنب؟ قالها أنت مبتفهميش معنديش عنب ولو رجعتي هنا تاني هربطك عندي في المحل.. راحت ورجعت بعد شوية قالتله عندك حبل؟ قالها لا قالتله طب عندك عنب؟
- موظف مصري بيسأل موظف أمريكي أنت مرتبك كام؟ قاله 700 دولار مرتب أساسي و700 بدل خطر و500 بدل سفر و600 بدل غربة وأنت مرتبك كام؟ رد المصري قاله 600 جنيه.. قاله ودول بدل ايه؟؟ قاله بدل ما اشحت.
- واحد محشش حلم أن في ناس ضربته في الحلم.. تاني يوم راح مجمع ولاد عمه ونامو بدري.
- الزوج: هاتي السجادة عشان أصلي الضهر.. الزوجة: الشرع بيقول صلاة الراجل في المسجد.. الزوج: والشرع برده بيقول مثنى وثلاث ورباع.. الزوجة: افرشلك السجادة في الصالة ولا في الأوضة.
- مرة واحد بيحلم كل يوم بماتشات كتاكيت.. راح للدكتور.. فقاله هديلك حقنة دلوقتي ومش هاتحلم بيهم تاني خالص.. قاله خليها بكره يا دكتور علشان النهاردة ماتش النهائي.
- اتنين سكرانين ماشيين.. واحد قال للتاني: لما أموت ابقى اشرب لي الكاس بتاعي.. فصاحبنا مات.. وبعد كام يوم التاني راح البار وطلب كاسين.. قاله: ايوه بس انت لوحدك.. فحكى له على الموضوع.. وبقى كل يوم يشرب كاسين.. لحد ما فى يوم طلب كاس واحد.. الراجل قالوه اشمعنا.. قاله: أصل أنا بطلت اشرب..
واحد قال لأمه ادعيلي.. قالتله روح يا ابني ربنا يديك بيت من غير إيجار، وأكل من غير فلوس، وناس يحرسوك.. لقى نفسه في السجن. - في أمريكا بيخافو يقولو للأطفال أن بابا نويل مش حقيقي عشان نفسيتهم.. لكن عندنا في مصر بنقولهم أن أحنا لقينهم على باب جامع أو جنب الزبالة.
- بخيل واقف فى البلكونة… ابنه جاى من بعيد يقوله بابا بابا بابا … قاله: يا مغفل بابا واحده كفاية.
- واحد بلدياتنا بيتخانق مع واحد.. فضربه على وشه فقاله ليه كده ما قفايا موجود اهه..
- واحد بخيل قابلته شحّادة قالتله أعطيني حسنة مشان الله، صرلي يومين ما دقت الخبز، قالها هو هو طعمه ما اختلف.
- واحد بقول لصاحبه: تلاتة ما ممكن تشوفهم بحياتك، بتعرف شو هم؟ قاله: شو؟ قاله: الملائكة، والجن، وواحد مداينه مصاري. ههه
- غبى شاف مقهى انترنت مكتوب عليه الساعه بــ 3 جنيه…. دخل يسأل هي ضد الماية؟
- حسنين لقى شنطة فلوس و عايز يخبيها قام حافر فى الأرض و دفنها و كتب مافيش فلوس هنا قام محمدين حفر وخد الفلوس و كتب محمدين مخدش حاجة.
- تلميذ بيقول لوالدته تعالي معايا المدرسة بكره.. قالتله ليه يا حبيبي؟ قالها المدرس قال اللي مش هيعمل الواجب هضرب أمه بالجذمة.
- ثلاثة محششين وقفو تاكس.. صاحب التاكس عرف أنهم محششين شغل العربية وطفاها تاني وقالهم يلا وصلنا.. الأولاني عايز يديه الفلوس.. التاني اتخانق معاه عشان يدفع هو.. التالت نزل من العربية وراح ضرب السواق بالقلم وقاله عاجبك الخناقة دي عشان تبقى تسوق بسرعة.
- غبي بيعمل تحليل دم، قله الدكتور انت عندك سكر في الدم، قله المريض الله يكرمك يا دكتور والله انت الي زي العسل هههههه
- مجموعة محششين قالو الأمريكان وصلو للقمر أحنا بقى عايزين نوصل للشمس.. واحد قالهم مش خايفين تتحرقو قالوله يا عبيط أنت فاكرنا هنطلع الصبح! أحنا هنطلع بليل.
- مره واحد اشترى لمبه مسمار دقها في الحيط.
- بخيل اتزوج بخيلة جابوا بنت سموها حصالة.
- فيه نقطة زرقا على الحيطة ايه هي؟؟ نملة لابسة جينز.
- اللي يقولك “ذاكر في الثانويه العامه علشان ترتاح بعدين” مضيه على كمبيالات بالكلام ده.
- ﺣمكة أسبانيه ﺃعجبتني.. ﺑﺲ ﻣﺴﺤﺘﻬﺎ ﻷﻧﻜﻢ ﻣﺶ ﺑﺘﻌﺮﻓﻮ اسبانى! ﻭﻻ ﻋﺮﺑﻲ ﻭالله ﻭﺍﻟﺪﻟﻴﻞ ﺍﻗﺮﺃ ﺃﻭﻝ ﻛلمة.
- في أحد الأيام وفي ليلة مشمسة كنت اتجول قرب مصنع للبصل. . . . . . . . وانت بتكمل قرايه ليه هو في ليلة مشمسة! وهو في مصنع بصل!
- في البيت لو وقعت علي وشك تلاقي: احسن، يمهل ولا يهمل، من اعمالك سلط عليك، شوف ده ذنب مين؟! تحس ان انت ابو لهب ووقعت وسط المسلمين.
مقالات أخرى قد تهمك عبر موقع الجواب :-
