من من البنات لا يحبن الغزل وبشكل خاص ما إذا كان هذا الغزل من الأحباء ومن تهواه النفس، وأبدع الشعراء في كتابة شعر الغزل بنوعيه الصريح والعفيف.
ومنبين الشعراء الذين كتبوا عن الغزل بشكل خاص هي الشاعرة شهد الشمري، وخلال هذه المقالة سوف نجمع لكم أبرز شعر شهد الشمري غزل من قسم قصائد وأشعار .
شعر شهد الشمري غزل
- لوكبل
لو كبل ملتقية بيك ولو كبل شايفتك اني
جا وهبتك كل حياتي احساسي وجفوفي وحناني
جاصرت شامة على خدك ماتعوفك لو ثواني
يعني اصيرن اولى عندك لان مااقبل بثاني
لاتقربلي المسافة ولاتعيشنـــــــــــــي بااماني
الشمع لوذاب يخلص كدرة بخدود الصواني
ماتدك بابي السعادة. على حساب اللي تعاني
فدوة تفهمني اشكلك.؟. شخصك اتاخر اجاني
لاهو ذنبك لاهوة ذنبي.. بس ذنب وكتي وزماني
ابتعد من عندي وارحل غيري منتظرة وتتاني
وانة مااحب الشراكة حتى لو كلمة بلساني
وانت كافي اتلوم بختك.. جيف بختك ماحواني
عيش بااحضان التحبك.. حتى لو كلبك هواني
الكم اتمنى السعادة..كلبي بالحب مو اناني
احنة في مسك الختام.. والنة ماتحلى التهاني
الكم اتلوك البعضكم.. يعني ماارهملك اني
- محتاجة كلــــــــش الك
محتاجه كلش الك يل الشاغل انت الفكر
محتاجه الك مو حجي وارتاح من ينذكر
هنياله من كابلك يا أحلى صورة شعر
محتاجه ألك ماتجي ماباقي شي بالعمر
زعلان؟ ليش الزعل زعلان انه اعتذر
بس ارجع لخاطري صير على نحري
عطر
صير على جفني كحــــــــــــــــــــــــل
حليني بين السمر تعبني ذرف الدمع
بس ماطفالي الجمر بركان في داخلي
ويا خوفي لا ينفجر شمأخرك ماتجي
مــــــــــــاظل الك كل عـــــــــــــــــذر
اهلال جرحك كمل اي كمل واصبح بدر
صدكني حيل اتعبت حبك عسر مو يسر
اترجيت وتوسلت بيك شكثر و شكثـــر
مافاد بيك الرجه وجبرتني لهل امـــــر
ما بعد اضلن شهد خليك مني حذر
واحجيهه لاتستحي كول انت طبعك
غـــــــــــــــــــــــــــــدر
حبك تحية صبح ماتلفض بالعصر
روح وبعد لاترد شي عادي صار الهجر
الماعرف معنى العشك مابعد احطله كدر
جانت درجتك الف بس هسه صارت صفر
مشكور سهمك
مشكور سهمك وصل مشكور ماقصرت
مو انت اول جرح كبلك جرحني الوكت
وجنت اطمع بطيبتك وانت بدموعي طمعت
وانه اتخذتك اخو جا ليش بيه اخذلت
وتكول عني اخطئت فهمني بيش اخطئت
واحسبني اخوك وخطأ تخسر لون سامحت
وانه اعتذرت شكثر عالماكو وتوسلت
وطخيت الك هامتي وبزايد تكبرت
لتصير غيمه بسمه يلي بدليلي اثبتت
ومن دون ربح وطمع منك شفتني طلبت
شمعه انه في رقتي وبطيبك تلذذت
تحركني نارك حرك وكبال عينك ذبت
هلبت كسر خاطرك حالي وعليه شفقت
ادري بظميرك عدل معقوله انت المتت
معقوله كلبك جلد وبطيبك انه وهمت
ضليت اشك بالعقل بس بيك ماشككت
خليني احس بالالم بس كونك انت فرحت
ادري الزمان اضلمك وبراسي راسك خذت
ولهسبب عاذرك حاسبني اخوك ومنت
ماحسبتني انذبح ادريك ماحسبت
لو حسبت جا كلت هسه انتة ليش عركت
يل تستحي من الهوه لو كابلك دنكت
وهذه الكتلني قهر بس بسهم نيشنت
وبجرئه صبت الهدف لمن عليه سددت
مشكور سهمك وصل مشكور
نسيتك
نسيتك اي نسيتك وانتهى الشوك
وبهاي القصيده اتذكريتك
امس باجمل قصايد جنت اناغيك
ودلال اطفال بيهن دلليتك
الف كلمه احبك كاتبه عليك
وكتبت اليوم عنك بس هجيتك
فوك الراس شلتك شفتك انسان
ورميتك من فلا تسوه لكيتك
دفتر حسبيتك منكتب بيك
جنت مااشوف لمن صفحيتك
اثاري بورقتك كتبوا دواوين
وانه اخر ظرير الي اشتريتك
اسود من ضميرك ثاري ماضيك
وبمرود مذلتك كحليتك
منك ماخذت عكس المشه وياك
خذت من روحي راحتهه ونطيتك
جنت لمن تحس تجويني ترتاح
وانه المستعره ناري وماجويتك
وجنت يوميه تعشك واحد اثنين
وعلى الحبوني كلهم فضليتك
ما نادم هجرتك جان مفروض
كبل كلشي الخلص تخلص قضيتك
مقالات اخرى قد تهمك :-
