تعرف على قصيدة حب ليبية ، هناك العديد من الأبيات الشعرية العربية المتنوعة من مختلف الدول العربية التي تتحدث عن المشاعر العاطفية التي تتمثل في الحب، ومدى جمال شعور الاهتمام من الحبيب، فالحب هو اجمل شعور يمكن أن يشعر به الإنسان طوال حياته وخاصة إن كان من الشخص الذي يحبه والذي يشاركه الكثير من تفاصيل حياته، حيث يوجد الكثير من الأشعار العربية التي تتحدث عن جمال الحب.
قصيدة حب ليبية
فإليكم قصيدة حب ليبية مقدمة من قسم قصائد وأشعار:-
قصيدة: وين ما نقول تهوني
للشاعر جمعة بو خبينه
وين ما نقول تهوني.. تجي صورتك هاذيك بين عيوني.. اتزيدي غلا
وين ما نقول نهونك ** يلي مذيبلني سواد عيونك
لا حذاك في الدنيا علم لا دونك ** ولكن خسارة فيك عاكس عوني
ما زال ما عندي نقص قانونك ** كيف ما أنت عندك نقص قانوني
ونجن قيس من ليلي ونا مجنونك ** حتي ونا سليم الناس يحسابوني
وين ما ثمر غيري قطف عرجونك ** ونا الهم لو يقتل كبار غبوني
وين ما نقول كفايا ** وما عد انجر معاك في سهرايا
من يوما رضيتي بالخراب معايا ** واخترتي اللي ما كان غالي دوني
عليك غير مي ساعة عدد يا منايا ** ما هن سوايا واجدات ديوني
وظلمك وجفاك مخلفات سوايا ** ساكنات جوا ضربهن دكنوني
وزولك هذاك السمح كان تهايا ** وانتي ترتشاقي مشيتك فصعوني
تقول تشغلي في بهيب عنايا ** وانكان غمضت عيني حذاي تكوني
وين ما نقول نسيبك ** حتي مسخرة ما عد نجيب سريبك
يجي الليل ويجيني منام يجيبك ** ونبقي عليك انق هذا لوني
ونذكر أيام زهاك وتشرهيبك ** وقول يا شقاهم من عليك نهوني
واليوم يا مرادي ما تقول طليبك ** ولا تقول عاهدتي غلاي تصوني
ولا تقول شاكيتي بما زاريبك ** كيف ما نجض بنار في مكنوني
طوعك الهم شوه صفاك وطيبك ** وما كنت نحسابك معاي تخوني
_________________________
قصيدة: عين شديده
عين شديده
جابت معاها الدمع والتنكيده
وهدت معايا صوب كنت انريده
وقلبت اركان العقل وموازينه
بعد الزها والشوق والتكبيده
مالت الدنيا يا خساره بينا
وبعد الوفا والود ومواعيده
ما كان يخطر ينتهى ماضينا
وياما رسمنا من احلام سعيدة
لكن عيون الناس كانت شينا
_________________________
عين خطيره
ساهل عليها صوبنا تدميره
غطت علينا الشمس فالظهيرة
نين انعمن لعيون ما حكينا
نار او حريقه والعه او كبيره
سبحان بيها كيف ما حسينا
ولا كنت نعرف ما تدوم السيرة
بعد المحبة ما نذوق الزينة
وما كان علمي ايامنا الأخيرة
ذكره وتبقى ف الزمان حزينة
_____________________
قصيدة: ابكي يا قلبي ع لي صار ادموع
ابكي يا قلبي ع لي صار ادموع
انهار الغالي انسي صوبي والموال
انساني ونسي صوبي جمليه
بعد الغيه غلانا يصبح محال
بعد مرواحه من الكلية بعد تلاث اشهور غيبه ليا
قلتلها مشتاق بي حنيه اسقيني من حبك مازال
اسقيني خلي الحب ايزيد بلا تعديب
القيتها سرحانه لي بعيد مهمومه ومشغوله البال
قلتلها مشغوله عليا قاتلي يعني هكي شوي
وانت تؤاها الجيه ميصيرش نفتح موال
قلتلها عينك في عيني
نحي ها الخوف وقوليلي متماسك
اني في احسن حال
قالتلي انت زين وربي عاطيك العيبه
والله ما نلقاها فيك شهاده من الموله تنقال
لكن قلبي ما هو ليك
لا بيديا لا بيديك من الموله مكتوب عليك غلانا يصبح من المحال
نحسبها اتبصر يا جدي
قاتلي نتكلم من جدي انساني وانسي ودي وانسي حبي والاحلام
رديت وغصبا عني رديت علي اسهوم
قتلني الي خلني مجروح وفي اسو حال
قلتلها راك اسبقتيني وفرتي عليا المشوار
انا من قبل ما تحكيلي جاي نبي نقطع الاحبال
جوني لاموني الاصحاب
وعلي القصة فتحولي الباب واول ما بدولي بي عتاب
حرام حبك من القلب ينشال
قلتلهم ما نبيش املام
حرمت علي قلبي الغرام بنات العالم
مالهن شان لا نهي ولا ابتسام
ولا سميه ولا حتي وصال
متقدر وحده اتحركلي شعره
من عيني لو جتني بنضره
وكلمه وضحكتلي وحتى لو كانت ايه في الجمال
ابكي يا قلبي ع لي صار ادموع
انهار الغالي انسي صوبي والموال
مقالات أخرى قد تهمك:-
قصيدة رائعة قصيرة عن الحب
