نكت دجاج، نعم كما رأيت عزيزي القارئ فدائما ما نسمع النكات عن الصعايدة والمنايفة وغيرهم من الشخصيات أليس للدجاج حق في إطلاق النكات عليهم.
بالفعل أصدر العدسد من الأشخاص بعض النكات عن الدجاج والتي أثارت عاصفة من الضحك، وخلال هذه المقالة سوف نجمع لكم من قسم نكت وفوازير أبرز نكت الدجاج.
نكت دجاج
تلاته عمالين بيحششوا فى مزرعه فراخ ، طب عليهم البوليس استخبوا فى تلات شوالات اجه الظابط شاط الشوال الاول برجله قام الحشاش الاول عمل نفسه بط وقعد يكاكى . الظابط سابه وراح عالشوال التانى و شاطه قام الحشاش اللى جوه قعد يدن و يقلد صوت الديك ، الظابط سابه وراح عالشوال التالت برضه شاطه برجله الحشاش التالت متكلمش .. شاطه تانى بس بالجامد برضه متكلمش قعد الظابط يخبط فيه طلعله الحشاش يقوله بطاطس بطاطس انت مبتفهمش.
مره واحد عنده مزرعه فراخ وكانت فاشله جدا راح لمهندس زراعى قاله انا مش عارف ازرع الفراخ قاله ليه قاله زرعتها من رجليها مطرحتش زرعتها من جناحها مطرحتش زرعتها من دماغها مطرحتش المهندس قاله هات عينه من الارض.
فيه مره ديك مزكم ليش ؟؟؟؟
متزوج فرخة مجمده.
واحدة اديت صاحبها بغبغان هدية.. ثاني يوم سألته عن البغبغان؟؟؟ قالها عادي طعمه زى طعم الفراخ.
واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقال لها ايه ده؟؟ قالت له استر عليا ده انا دييييييييك !!!!
واحد صاحب مزرعة فراخ محمل العربية فراخ و سايق وقفته لجنة و سألوه “محمل إيه؟” قال لهم فراخ، قالوله “بتأكلها إيه؟” قال لهم “بأكلها قمح” قالوله غرامة 100 جنيه “بتأكل الفرخ قمح والبلد مش لاقية تاكل؟؟”. و هو مكمل وقفته لجنة و سألوه “محمل إيه؟” قال لهم فراخ، قالوله “بتأكلها إيه؟” قال لهم “بأكلها زبالة” قالوله غرامة 100 جنيه “بتأكل الفراخ زبالة عشان تسمم الناس؟”. الراجل مكمل ع الطريق وقفته لجنة، الظابط سأله “محمل إيه؟” قال له فراخ، قال له “بتأكلها إيه؟” قال له “و الله يا باشا، أنا بادي لكل فرخة مصروف وهي تجيب الأكل اللي هي عايزاه”
واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى …. طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ….. طلع الدور الثالث وقابل موظف اخر وسأله عن الفراخ المدبوحة ومقطعه … فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع …..
طلع الدور الرابع وقابل موظف اخر وقال له عايز فراخ مدبوحة ومقطعه ومكيسة
فرد الموظف وقال له مافيش فراخ بس ايه رأيك فى النظام.
مرة واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم.. راح صاحب الكتكوت راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت متت ؟ قام الكتكوت وقال له : يخرب بيتك بوظت الكمين
سواق لوري محمل فراخ ومعاه بغبغان . شاف بنت حلوة بتشاورله يوصلها ، ركبت معاه وحاول يبوسها فرفضت فقالها أبوسك يا تنزلي فنزلت.. لما وصل السواق مشواره لقي فرخة واحدة هي اللي فاضلة والبغبغان بيقولها أبوسك يا تنزلي.
مقالات أخرى قد تهمك:-
