جمعنا لكم من قسم نكت وفوازير افضل نكت صعايدة ، يعتبر الصعايدة من افضل الناس الموجودين في الحياة، حيث انهم ييتسمون بالجدعنة والرجولة بالاضافة إلى العديد من الصفات والسمات الأخرى، وبالرغم من ذلك فهناك العديد من النكت عن الصعايدة التي تنشر حالة من المرح على الناس، فإليكم مجموعة من النكت عن الصعايدة.
نكت صعايدة
بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا وأجوزه واحدة من هناك عشان يعرف يتكلم انجليزى، راح فى الصباحية بيقولها “مستر هريدى موجود؟” قالتلوا “نجولو مين؟”.
سألو صعيدي هاتعمل ايه لو رشو كيماوي؟ قال هاعمل نفسي نايم.
واحد صعيدي لقى كنز راح دفنه جمب نخلة وكتب عليها “مفيش هنا كنز”.. فعدى حمدان جمب النخلة وضحك ضحكة شريرة وقال أكيد هنا فيه كنز.. وحفر وطلعه… وبعدين شال اليافطة وكتب: “حمدان مخدش الكنز”.
واحد صعيدي شغال في السعودية بعت لأمه كيلو شيكولاته فاتصلت عليه وقالتله الصابون اللي بعته بيوسخ الهدوم.
واحد صعيدي حب يموِت سمكة غرّقها ف الميه.
صعيدي زكي ومراته طلبوا قهوة في كافيتيريا بيقولها: اشربي بسرعة… قالتله: ليه؟ … قالها: لأنك جاهلة ومابتعرفيش تقري، مكتوب قهوة ساخنة ب 5 جنيه وقهوة باردة ب10 جنيه.
واحد صعيدي بيقول لواحد تاني: عيني اليمين واجعاني قوي يابوي وكل ما افتحها أشوف نقط سودا.. قال له: طيب شفت دكتور عيون؟ قال له: يا بني آدم باقول لك شوفت نقط سودا.
صعيدي من سوهاج سمع في النشرة إن فيه عاصفة جاية على سوهاج، كتب على مدخل المدينة: مرحبًا بك في أسيوط
عاوز تموت من الضحك؟ شوف أكتر من 1000 نكت مضحكة
صعيدي راح ماكدونالدز وقال لهم عندكم حلقات بصل؟ قالوا ايوه.. قالهم ادوني الحلقة الأخيرة.
إيه اللي بيكون مكتوب داخل جزم الصعايدة؟ ورقة مكتوب عليها: أدخل الأصابع أولًا.
مره واحد صعيدى كان عايز يسافر فرنسا ومش بيتكلم فرنساوي راح لصاحبه وقال له أنا عايز أسافر فرنسا اتكلم فرنساوي ازاي؟ صاحبه قاله الفرنسية سهلة جدًا كل ما تقول كلمه ضِيف عليها (و) الصعيدى راح فرنسا ودخل مطعم وقال للجرسون أريدو واحدو رزو وواحدو لحمو فقال الجارسون (باردو) فقال له الصعيدى لأ (سخنو).
صعيدى حب واحدة أتجوز أختها علشان يضمن يشوفها كل يوم .
واحد صعيدى بنى بيت ثلاثة أدوار عمل العِمدان فى الدور الثالث بيسألوه معملتش العمدان من الأرضى ليه؟ قال أرمى فلوسى فى الأرض.
مرة جماعة بلدياتنا عملوا اجتماع يناقشوا فيه تأخرهم العلمي. فقام واحد بيقول: أمريكا طلعت القمر قبلنا وأحنا قاعدين قام رد عليه واحد: خلاص أحنا لازم نطلع الشمس. فقالوا: أحنا كدة هنسيح رد عليه: يا غبي أحنا هانطلعها بالليل.
صعيدى بيقول لصاحبه .. بالي مشغول من امبارح يا هريدى قاله أكيد حد رافع السماعة.
واحد صعيدى عنده عربية كحيانة سابها قدام بيت مهجور…. ليه؟؟! عاوزها تبقى عربية شبح.
واحد بلدياتنا عنده أرق ومش عارف ينام.. صاحبه قاله عندي لك طريقة للنوم مؤكدة عد من واحد الى خُمسمائة.. بلدياتنا مكدبش خبر وأول ما الدنيا ليلت راح للسرير وبدا يعد .. واحد .. اثنين … ولما وصـل إلى ميه تسعة وتسعين … جـاه النوم … قـام غـسـل وشه ورجــع للـسـريـر يـكـمـل الـعـد..
حاجة اسمها زى جسمها تبقى ايه قاله معرفش! قاله يعنى بيضه يابنى، طب سؤال تاني حاجة ساعات بنسلقها وساعات بنقليها تبقى ايه؟ قاله دى واعرة عليه.
بلدياتنا مفتاح عربيته ضاع ميكانيكي جه فتحهاله بطفاشه تاني يوم عمل نسخه من الطفاشه.
صعايدة وفلاحين بيحششوا بوكس الأمن المركزي كبس عليهم الفلاحين استخبوا في الغيط والصعايده استخبوا في البوكس.
واحد صعيدي طلع يرمى نفسه من فوق البرج قابله واحد شيخ وقاله ليه هترمي نفسك؟ قال عشان غبى.. قاله طب انا هسالك سؤالين وهشوفك غبى ولا ايه..
مقالات أخرى قد تهمك
نكت ع الزمالك
