تبحث فئة كبيرة من الشباب عن نكت عن الشباب الخرفان ، لأنها من نوعية النكات التي تساهم في إثارة الضحكات المتعالية بين مجموعات الأصدقاء والمقربين، وتستخدم بكثرة بين الشباب العشريني، ومنها من قسم نكت وفوازير :
نكت عن الشباب الخرفان
- مرة واحد كان سكران خبط في امه قالتله : ايه يا زفت انت مش شايفنى، راح قالها شايفك بس مش فاكر فين.
- مرة واحد صعيدى وقع في خلاط الأسمنت طلع منه بيقول يخرب بيت الملاهي.
- مرة واحد محامي رفع قضية وقعت عليه.
- مرة واحد رخم دخل عند البقال قاله عندك سكر قاله ايوة قاله الله يشفيك.
- مرة واحد رخم راح مطعم قال للجرسون عندكم عشى قالوا اه قالهم ماعزمتونيش لية.
- مرة مدرس راح اتجوز مدرسة كتبوا الكتاب على السبورة.
- مرة واحد بيسال صاحبه هو ايه الفرق بين تجارة الحشيش وتجارة عين شمس قام صاحبه قال تجارة عين شمس 4 سنين انما تجارة الحشيش اقلها 25 سنة.
- مرة واحد كريم بيتة اتحرق لما المطافى جات حلف عليهم ما يعملوا حاجه لحد ما يشربوا القهوة.
- مرة واحد بخيل اوى راح ضرب عياله ليــه، لقاهم مشغلين المروحة على ثلاثة وهم اثنيين بس.
- مرة واحد بخيل اوى راح مع ابنه السوبر ماركت الولد قال لأبوه: أنا بحب الشوكولاته دي اوى راح أبوه قاله: حبها ورجعها تاني مكانها.
- مرى واحد بخيل راح قال لابنه إنجح السنة دي وانا اجيب لك كورة، الولد نجح أبوه إشترى له كورة، ايوة قاله لو نجحت السنة الجاية انفخها لك.
- مرة واحد ميكانيكى راح فتح مصنع شيكولاتة راح سماه كالاكسى.
- مرة واحد اهبل ماعندوش غير ضرسين بس راح مقدم على وظيفه عينوه خرامه فى الشركة.
- مرة استاذ بيسأل ما معنى كلمة سبيل الطالب قال طريق، الاستاذ قاله ممتاز وسالة ما معنى كلمة سلسبيل الطالب قالة: طرطريق.
- مرة واحد شاف رجل أعمى يقرأ الجريدة فقال حاجة غريبة جدا اول مرة اشوف واحد أعمى ويقرأ الجريدة قال الأعمى ً:ومن قالك أنا بقرأ الجريدة أنا قاعد أتفرج على الصور.
- في مره واحد قلبو وقف نزل يزقو.
- مرة واحد رخم راح موقف تاكسي قالة فاضي ياسطى قاله أه، الرخم قاله طب انزل نتسهري شوية.
- مرة عيل رخم حب يجيب لامة هدية راح جاب عصفورين واحد يغرد والثاني لا أمة قالتلة الثاني مالو ساكت لية قالها دا الملحن.
- مرة رئيس دوله صغيره سافر يزور الصين، فرئيس الصين بيقولو احنا عددنا 900 مليون نسمه انتو عددكم كام رد عليه رئيس الدوله احنا عددنا 30 ألف راح رئيس الصين رد علية وقاله يا راجل طب مجبتهمش معاك ليه.
- مرة واحد اهبل كان واقف قدام التلاجة وعمال يفتح ويقفل الباب بتاعها براحة فواحد صاحبه سالة لية كدة قالة اموت واعرف مين عمال بيطفى النور من جوة.
- مرة في واحد مسطول حب يعمل فيها روش راح كتب على الحشيش أديدس.
- مرة مدرس سأل طالب اهبل كم عمر أبوك قال: والله عارف بس هو عايش معانا من زمان.
- مرة واحد رخم بيسأل صاحبة قالة ليه القطر مهم قالوا مش عارف، قالوا عشان تحتيه خطين.
- مرة واحد رخم بيسأل الأستاذ حاجه بتجري وعندها راسين و 8 رجول قالوا مش عارف، الواد قالوا كلبين بيجروا جنب بعض.
- مرة واحد رخم قاعد مع اصحابه وسألهم ايه هي الحاجه ليها اربع رجلين وطايره في الهوا، قالوا مش عارفين راح قالهم قطه واقعة من البلكونة.
- مرة واحد محشش بيسأل واحد سكران قاله هي لية نشره الاخبار طويله كدا قال يمكن اليوم اخر حلقه.
- مرة واحد راح البحر فشاف واحدة بتغرق فقال لها راح قالها هاتي إيدك قالتوا اطلبها من بابا.
- مرة واحد حرامى و واحد ندل اتفقوا الحرامي يعلم الندل السرقه والندل يعلم الحرامي الندالة، الحرامى قالوا خلاص تعالي معايا نسرق شقة بعد ماسرقوا قالوا انا علمتك السرقة اهو علمني الندالة، الندل قالوا حالا ً وقال، امسك حراااااامي.
- مرة واحد قتل حماته الضابط بيسألة اسمك ايه ، قاله مابحبش الفشخرة اكتب فاعل خير وخلاص.
- مرة واحدة قصيرة راحت من سيربح المليون وقبل ما تعد على الكرسى طلبت مساعدة الجمهور.
- مرة واحد محشش اخوه مات ومش عارف يقول لمراته ازاى راح قلها جوزك اتجوز عليكى، راحت صوتت وقالت إلهي يدخل عليا ميت، راح قال دخلوه يا رجالة.
- مرة واحد راح للبقال قال له عندك جبنة قال له لا وهو عنده جوه.
- مرة واحد راح لعيادة دكتور قابل واحد هناك قالوا ممكن ادخل الاول عشان انا عيان، قالوا اتفضل انا اصلا جاى اشتري موز باللبن.
- مرة واحد مسطول مراته ولدت ولد، سألوه هاتسميه ايه قالهم بابا علي اسم ابويا.
- مرة واحد بيسأل صاحبه الفاشل ما هو الاحتباس الحراري، قالوا هو أن تأخذ نفس عميق من السيجارة وفجاة تلاقي ابوك في وشك.
- مرة واحدة بتسأل صاحبتها موبايل والدتك نوعه ايه، قالتلها هو الموبايل الذي الجأ اليه لما رصيدي يخلص.
- مرة تلميذ مسطول قاعد فى الفصل عمال يضحك ومرة واحدة ضحك ضحكة كبيرة الاستاذ قالوا مالك في ايه انت اتجننت، قالوا لا يا استاذ انا بقول لنفسى نكت واخر واحدة كانت حلوة اول مرة اسمعها.
مقالات أخرى قد تهمك:-
