جمعنا لكم اجمل نكت قديمة للصعايدة ، يبحث العديد من الناس عن نكت الصعايدة لانها اكثر نكت مضحكة وذلك لانها تقوم على الخيال اكثر من الواقع، وتعتبر النكت المتداولة عن الصعايدة للمرح والدعابة وليس للتنمر، فمعنا لكم اجمل مجموعة من نكت الصعايدة، فإليكم نكت قديمة عن الصعايدة من قسم نكت وفوازير :-
نكت قديمة للصعايدة
صعيدي راح يزور صديقه الياباني المريض في الانعاش ..وفجأه صرخ الياباني وقال : ” تشين يون تشان ” ومات
!إستغرب الصعيدي وراح السفاره يسأل عن معنى كلام صديقه لاعتقاده انها وصيته الاخيرة
قام قالولو المعنى : شيل رجليك عن كيس الأوكسجين ياثور !!
واحد صعيدى بنى بيت من ثلاث ادوار عمل العمدان فى الدور الثالث بيسئلوه معملتش العمدان من الارضى ليه قال ارمى فلوسى فى الارض .
واحد بلدياتنا عنده أرق ومش عارف ينام.. صاحبه قاله عندي لك طريقة للنوم مؤكدة عد من واحد الى خُمسمائة.. بلدياتنا مكدبش خبر وأول ما الدنيا ليلت راح للسرير وبدا يعد .. واحد .. اثنين … ولما وصـل إلى ميه تسعة وتسعين … جـاه النوم … قـام غـسـل وشه ورجــع للـسـريـر يـكـمـل الـعـد..
بلدياتنا مفتاح عربيته ضاع ميكانيكي جه فتحهاله بطفاشه تاني يوم عمل نسخه من الطفاشه.
محشش لابس جزمة ، فردة بيضة والتانية سوده …. قابله مسطول تاني وقاله: “ايه ياواد الجزمه الشيك دي. راح المحشش الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبط
صعيدي واقف مع دوده في الشمس ليه؟الطبيب قال له اعد في الشمس دقائق معدوده.
– واحد صعيدى راح يشترى لمراته جزمة فراح لمحل وقال لصاحب المحل عايز جزمه من غير كعب وخفيفه شويه ورخيصه صاحب المحل قال ماشى وجاب الجزمه فقالت مراته ده مينفعش انا عايزه بكعب ودبت خناقه فصاحب المحل قرف منهم فقال للصعيدى متخدها بكعب هو انت الى حتلبسها قال لع من غير كعب هو انت الى حتنضرب بيها.
مرة جماعة بلدياتنا عملوا اجتماع يناقشوا فيه تأخرهم العلمي. فقام واحد بيقول: أمريكا طلعت القمر قبلنا وأحنا قاعدين قام رد عليه واحد: خلاص أحنا لازم نطلع الشمس. فقالوا: أحنا كدة هنسيح رد عليه: يا غبي أحنا هانطلعها بالليل.
صعيدى بيقول لصاحبه .. بالي مشغول من امبارح يا هريدى قاله أكيد حد رافع السماعة.
– صعيدي سافر امريكا شرب من حنفية اوتوماتيك معرفش يقفلها قام رجع ف اول طيارة لمصر..قام سالوا: ازي امريكا؟ قالهم :اسكتو زمانها غرقت يا بوووي.
مره واحد صعيدي سافر امريكا كان معاه 5000 دولار كل ميجي يحجز في فندق يلايه مليان .. نام في جنينه راح جالو واحد سرقه وحلاقله شعره .. صحي لقى الفلوس اتسرقت اعد ياول يلهوي بعدين بيحط ايدو علي راسه ملاقش شعر قال الحمد لله مش انا .
واحد صعيدي بيقول لواحد تاني: عيني اليمين واجعاني قوي يابوي وكل ما افتحها أشوف نقط سودا.. قال له: طيب شفت دكتور عيون؟ قال له: يا بني آدم باقول لك شوفت نقط سودا.
صعيدي قالوا له في الصين كل دقيقة ينولد واحد، قال : يسلام على التطور ياولد مش عندنا بعد 9 شهور
صعيدي من سوهاج سمع في النشرة إن فيه عاصفة جاية على سوهاج، كتب على مدخل المدينة: مرحبًا بك في أسيوط
– صعيدي ماسك واحد اسود وقاعد يغطسه ويطلعة بنهر النيل مر عليه واحد وقالة اييش يامعلم بتعمل كده ليه قال عاوز اعمل منو دعاية شاي لبتون …..
– اثنان صعايدة يلعبون الشطرنج فقال الأول : قتلتلك الحصان فأستأذنه الثاني بضع دقاق و عندما عاد اليه قال : سممتلك البهايم كلها
– واحد صعيدي بيلف علي اكشاك السجاير يقول للبياع بتعرف تتكلم انجليزي يقوله البياع….لا ….يروح لغيره ويكون نفس السؤال ونفس الاجابة لغاية اما وصل للكشك الاخير قاله بتعرف تتكلم انجليزي قاله ايوا قاله كويس قوي اديني علبة مارلبورو.
مقالات أخرى قد تهمك
نكت عن الزواج الثاني
