نضع بين أيديكم من قسم نكت وفوازير مجموعة متنوعة وضخمة من نكت مصرية تموت من الضحك ، ويهتم الكثير من الباب بـ جمع أكبر قدر من النكات لاستخدامها في التجمعات العائلية أو تجمعات الأصدقاء لإضفاء جو من المرح والضحك والفكاهة بينهم.
نكت مصرية تموت من الضحك
– واحد صعيدى بيقول لصاحبه شوف العالم الهطله بيدفعوا 25 مليون علشان بن لادن أمال لو كان بن محوج كانوا عملوا إيه.
– ندل واقف فى ميكروباص.. ضحك لبنت ضحكتله.. غمزلها غمزتله.. شاورلها تنزل.. نزلت قعد هو مكانها.
– واحد أهبل مراته ولدت بعد شهر من الجواز سألوه ازاي؟!! قالهم يا نهار أسود على الحسد ياناس.
– مرة واحد كسلان اتجوز واحدة كسلانة كسلوا يخلفوا.
– واحد اتجوز واحدة اسمها نعمة باسها وش وضهر.
– مرة واحد عداه العيب خد اللي بعده.
– حرامي دخل يسرق بيت لما جه يطلع شافه الولد الصغير ، قاله تسرق كتبي وشنطتي معاك ولاّ اصرّخ وأصحي الناس.
– سألوا واحد محشش: مين أهم الشمس ولا القمر رد: القمر طبعا، بيطلع ينور لنا بالليل و الدنيا ضلمة، انما الشمس بتطلع بالنهار والدنيا نور أصلآ.
– اتنين مساطيل حبوا يسرقوا عمارة فقالوا لبعض احنا ناخد العمارة بعيد ونسرقها برحتنا، فقلعوا الهدوم وقعدوا يزقوا فى العمارة يزقوا، جه واحد من وراهم وسرق الهدوم، فواحد منهم بص ورا ملقاش الهدوم فقال له كفاية كدة احنا بعدنا اوى.
– محشش يسأل محشش تتوقع الجمعة يوافق آخر الشهر؟ رد عليه: لو ضغطنا عليه يمكن يوافق.
– بخيل وقعت فلوسه من فوق السطح نزل ملقاهمش.. ليه؟ نزل أسرع منهم.
– مرة 5 دخلوا كلية الهندسة اثنين طلعوا مهندسين وثلاثة مدينة نصر.
– بطة مسطولة راحت للبقال قالتله عندك عنب؟ قالها لا.. راحت ورجعت تاني قالتله عندك عنب؟ قالها أنت مبتفهميش معنديش عنب ولو رجعتي هنا تاني هربطك عندي في المحل.. راحت ورجعت بعد شوية قالتله عندك حبل؟ قالها لا قالتله طب عندك عنب؟
– موظف مصري بيسأل موظف أمريكي أنت مرتبك كام؟ قاله 700 دولار مرتب أساسي و700 بدل خطر و500 بدل سفر و600 بدل غربة وأنت مرتبك كام؟ رد المصري قاله 600 جنيه.. قاله ودول بدل ايه؟؟ قاله بدل ما اشحت.
– واحد محشش حلم أن في ناس ضربته في الحلم.. تاني يوم راح مجمع ولاد عمه ونامو بدري.
– الزوج: هاتي السجادة عشان أصلي الضهر.. الزوجة: الشرع بيقول صلاة الراجل في المسجد.. الزوج: والشرع برده بيقول مثنى وثلاث ورباع.. الزوجة: افرشلك السجادة في الصالة ولا في الأوضة.
– واحد قال لأمه ادعيلي.. قالتله روح يا ابني ربنا يديك بيت من غير إيجار، وأكل من غير فلوس، وناس يحرسوك.. لقى نفسه في السجن.
– في أمريكا بيخافو يقولو للأطفال أن بابا نويل مش حقيقي عشان نفسيتهم.. لكن عندنا في مصر بنقولهم أن أحنا لقينهم على باب جامع أو جنب الزبالة.
– محشش سأل صاحبه المحشش: إيه اخبار أبوك؟ بعدين افتكر ان أبوه ميت فكمل بسرعة: لسه في نفس التربة؟
– مسطول دخل محل بقالة وخرج يضحك، سألوه بتضحك ليه قال لهم عطيته جنيه وما اشتريت شىء.
– واحد معاه عربية قديمة وعاوز يبيعها ومش عارف، فصاحبه قاله حط عليها علامة مرسيدس وهى تتباع فورا، راح عمل كدا بعد اسبوع صاحبه بيسأله بعت العربية ولا لا، قاله انت عبيط حد يبيع عربية مرسيدس.
– مرة واحد ظريف عاش في الدور.. واحد أظرف منه عاش في الدور اللي فوقه.
– كمسري أبوه مات.. ماشى في الجنازة يقول يا حضرات الجنازة فاضية آدام.
– مدرس بيقول لطالب ادخل كلمة (ناقص) فى جملة قاله: وناقص تقولى اعربها كمان.
– مدرس إنجليزي بيسأل تلميذ “جوز هند بالإنجليزي يعني إيه؟” قال له “كوكونت”، الأستاذ قال له حطها ف جملة مفيدة.. قاله كوكونت من الشباك.
– حشاش سايق إسعاف في الحرب ناقل 35 قتيل.. سمع في الراديو سقوط 30 قتيل.. وقف وفتح الباب وقال: الخمسة اللي بيستهبلو ينزلوا حالا.
مقالات أخرى قد تهمك:-
