جمعنا لكم من قسم نكت وفوازير نكت مصرية سامجة ، تعتبر النكت من الاقوال الكوميدية الساخرة التي تعبر عن الواقع الذي نعيشه مما يدفع الناس إلى الضحك، أو يمكن أن تكون خيالية من خلال تأليف مواقف قصيرة لإضحاك الأخرين ونشر المرح بين الناس، فإليكم عدد من النكت المصرية السامجة.
نكت مصرية سامجة
ديلفرى بيسأل شيخ بيقوله هو أنا شغلي حرام؟ قاله ليه أنت مش مؤمن؟ قاله لا كنتاكى.
مرة واحد صعيدى لقى سايبر مكتوب عليه الساعة ب 10 جنيه.. دخل يسأل هيا ضد المية؟
مره واحد سرق فرخه وراح عند البحر نضفها وأكلها.. جه الضابط وقاله أنت سرقت الفرخة؟ قاله لا يا باشا.. قاله الضابط والريش ده؟! قاله دى نزلت تستحمى و قالتلى أخلى بالى من الهدوم.
غبى خطف غبية ركبها العربية فضلت تصوت.. قالها: هتسكتى ولا انزلك؟ قالت له لا هسكت.
مرة واحد زعلان مع مراته كتب لها ورقة مكتوب فيها صحينى الساعة 6 الصبح.. قام الساعة 11 لقا ورقة مكتوب عليها اصحا الساعة 6.
مره واحدة روحت على بيتها متأخر قال لها زوجها: أنتى كنتى فين؟ قالت: لا مهوا … اصلو … كان فى واحد بيعاكسني.. قال لها: هو بيعاكسك أنتى اتاخرتي ليه؟ قالتله: أصله كان ماشى على مهله ….!
واحد كل لما يعدى من شارع يشوف واحد بيشرب سجارتين.. فبيسأله هو أنا ليه كل لما اعدى من هنا اشوفك بتشرب سجارتين؟ قاله اصل انا كان ليه واحد صاحبى متعودين ان احنا نشرب سجاير هنا وصاحبى ده سافر فانا بشربلى وبشربله.. بعدها بفترة صاحبنا ده عدا شافه بيشرب سجارة واحده.. فقاله انت بتشرب سجارة واحده ليه؟! قاله اصل انا بطلت.
واحد سكران اتصل على مطعم قاله عندكم عشاء؟ رد عامل المطعم ايوه.. رد السكران ليش ما عزمتوني؟!
واحد يسمونه منشّف ريق البنات.. ليه ؟ من كثر ما يتفلون في وجهه. اكتر نكت مصرية مضحكة هتموت من الضحك
عملوا جائزة مليون جنيه للي عنده 10 عيال.. واحد عنده تسعة قال لمراته أنا كنت متجوز عليكى ومعايا ولد أروح أجيبه؟ ونكمل العشرة ونكسب الجائزة؟ راح ولما رجع بيسأل مراته فين العيال؟ قالتله كل عيل أبوه أخده.
واحد قبل مايموت جمع ولاده التلاتة وحب يوصيهم يفضلوا أيد واحدة.. أعطى لكبيرهم عود خشب كسره بسهولة.. أعطاه اتنين كسرهم بسهولة برضه.. أعطاه خمسين عود كسرهم بسهولة.. قال لهم طالما معاكم البغل ده مافيش خوف عليكم.
مرة واحدة قالت لزوجها اليوم بصيت لنفسي فى المراية لقيت نفسى قمر14 تفتكر كده غرور؟! قالها لا لا غرور ايه ده! كدة يبقى عمى.
واحد مدمن انترنت بيضطروا يدوله لينك فى الوريد ويشربوه شات بلبن.
مره واحد بيقول لمراته أقولك نكته؟ قالتله قول! قالها نكته.. قالتله هيه بايخة.. قالها هيه طالق.
مره واحد أحول سألوه: ايه هى أمنيتك في الحياة؟ قال: أشوف واحد ماشى لوحده.
محشش بيسأل عن نتيجة مباراة.. قالوا له: صفر صفر.. قال: مين دخل الصفر الأول؟
صرصور دخل سوبر ماركت خرج مبسوط ليش؟ شاف نفسه عالبيف باف.
واحد دخل الملعب ومعاه ملعقة لييييش ؟ عشان يحرك اللعب.
واحد قابل واحد بيجرى فى الشارع فسأله بتجرى ليه؟ قاله حماتي اشتريت لها نصف كيلو سمك أكلته نيء أصيبت بشلل نصفى!! فقاله رايح تجيب لها الدكتور؟ قاله لا انا رايح اجيب لها النصف كيلو الثانى.
مرة واحد فشار أوى بيقول لصاحبه أنا كنت ماشى فى الصحرا طلع عليا أسد نطيت في البحر.. صاحبه قاله بحر ايه بس اللي فى الصحرا.. قال لا أنا قلت لقيت أبو الهول اتشعلقت فى رقبته.. صاحبه قاله وايه اللي جاب أبو الهول في الصحرا؟ فقاله وأنا ماشى فى الصحرا طلع عليا أسد أكلنى.. ارتحت؟
مقالات أخرى قد تهمك:-
نكت تافهة
