جمعنا لكم شعر عن الاب المتوفي في رمضان ، الاب هو السند والقوة بالنسبة لابنائه، ويسعى ليلا ونهارا ويكد ويعمل لكي يوفر لهم كل احتياجاتهم وسبل الحياة حتى يصبحوا ابناء صالحين ينفعون انفسهم ومجتمعهم، وعند وفاة الاب يشعر الابناء بالحزن الشديد نتيجة فقدان اغلى الاشخاص، فإليكم افضل شعر عن الاب المتوفي في رمضان من قسم قصائد وأشعار:-
شعر عن الاب المتوفي في رمضان
يا قبر أعز إنسان غالي رقد فيك
خفف عليه من التراب الثقيلي
يا قبر ماني طيب عقب راعيك
اللي رعاني صار عندك نزيلي
غليك أنا يا قبر من حب راعيك
مرحوم يا راعي الوفا والجميلي
ياللي سكنت القبر صوتي يناديك
موتك جرح قلبي وهديت حيلي
ما أنساك والله لين قبري يوازيك
وأعلن من الدنيا العريضه رحيلي
وأموت كل ما حل طاريك
كنت أفتكر عمرك معانا طويلي
يبكي عليك البيت من عرض أهاليك
لي دخلت البيت دمعي يسيلي.
ماردت القدر يبعدني عنك يوم
وماردت السعادة تعوف بيباني
ياليل ألامان الماتمرّه غيوم
وياحظرة حنين بحظنه دفّاني
ياأجمل قصيدة وبالوزن محكوم
وياأروع ندى اعلى أوراق بستاني
يانبع الكرم محتاجتك هاليوم
مو تدري بغيابك طاحت أركاني
ياأجمل حلم وسط الجفن مرسوم
رحت والصور ظلت فوك حيطاني
الك حنيت يابوية اعلى بختك كوم
عفتني ويتمتني وضاع عنواني
أفز من نومي وأسمع صوتك المهموم
وأفكدك وأرجع أغرك ويه أحزاني
صرت أنعاك وأبجي اعليك من دموم
وآنه القلم صار اليوم ينعاني
ردت أشريك بس اشبيدي ع المقسوم
يالفركاك هبّط راسي وأذاني
بس انته أصبحت طير بجنان يحوم
وهذا الذي مسّكن نوحي وأشجاني.
شجاك استعجلت بويه بمنيتك
وابشرك بويه ولدك صاروا رجال
ويسألني عليك شكد حفيدك
وعلي وحسوني كبروا هاي لاسنين
حسافه وماشلتهم بويه بيدك
واباوع صورتك يوميه بلبيت
عمر يابويه ومانسيتك
اني اذكر غناك وشعرك وياي
هويت الشعر بويه وماحويتك
وشفتك بويه كاعد حيل مهموم
وكتلك بويه احجي وحلفيتك
تعبت هواي بويه وعمرك نباك
العمر لو ينشرا بويه اشتريتك
قضيه احنه بحياتك وانت مسؤول
وتكبرنه بشرف جانت قضيتك
واذكر مره امي زعلت وياك
تتعثركمت بويه بمشيتك
وهسه كلبك نطاك تعوفه شلون
وتعوف امي وتمشي هيه هاي نيتك
مافكرت بيه اخلاقك تموت
يلهلال بعمرنه وهيه عيدك
الوكت الوكت يابويه حيل ويايه خوان
خذاك انت ويريد ليوم خوان
عمام هواي عندي وعندي اخوان
مثل كلبك جذب ماحن عليه
لان بويه يتيم الحال ضليت
وترى حال الهضم يابوي حالي
واصفن واكولن باجر يعود
ياابويه
استغفر لله شجرالي
حلم ترجع لواشوفك وياي
بس باقي بروحي وخيالي
يابويه مودع الله
وهاي دنياي خذت مني
العزيز لجان غالي
ياخوي وصديقي واحلى محبوب
يا شمعه وعز دلالي
ابو ونعمه لابو كفيت وياي
وبدوام لشعر
وحسكه مثالي
فخر ياوالدي يااروع انسان
عهد مني دوم حتمر على بالي
ولا تبقه تفكر ونام مرتاح
تره بجف الصبر الوي ليالي
الوالد بالوداع يصير مهموم
وانا اثنينهن والد وشاعر
خيلك طشرتني وجنت ملموم
وصارت طيحتي بين الحوافر
اذا عشرين يوم وما شفت نوم
شيظل بالحيل بالعشره الاواخر
فراش الفاتحه لو شفته ملموم
بنص كَلوبنا تلكَى الجوادر
يمنه المصبغه ودينه لهدوم
الحزنك مشترينه قماش حاضر
تمنيتك جرح كلساع ملجوم
وتبات الليل بشفاف الخناجر
انا يا بوي من ونيت مالوم
نزل مني دمع يعمي النواظر
خدودي متعوده تتندى كل يوم
وتحب الماي خشبات الكَناطر
لمت الروح بس شفادني اللوم
شلحك وبسفينة الموت عابر
المنايا عالسطح وعيونها تحوم
عليك ونزلتلك نسر كاسر
ستر الله نغط بديارنا البوم
اخذ عين الكَلاده وراح طاير
ديني حلاتك حلو الرسوم
بلكي انعشك دنيانا مظاهر
اظل كاظم وصبري وياي مكظوم
لوما هالخشب جوه الاظافر
اهن كاسين بهن كاس مسموم
خاف اغلط وبالمسموم اكاسر
بعنه البيت ريت البيت مهجوم
وريت اكثر بعد من هالخساير
تحب انت اللعب والكبر ملموم
شلون تحملت وشلون صابر
وليش من الهوى يابوي محروم
ونسمات الهوى تطيب الخاطر
من اكتب قصيده تزيد الغيوم
ومن عيني الدمع يملي الدفاتر.
مقالات أخرى قد تهمك
شعر عن ابن الاخ قصيره
