تعرف على قصيدة عن الحب للشاعر هشام الجخ ، يعتبر الشاعر المعاصر هشام الجخ من الشعراء الذين حازوا على إعجاب العديد من الناس من مختلف دول العالم بقصائده الشعرية المميزة والجميلة والتي تمس حياة كل إنسان يعيش في الحياة، وتتنوع أشعار هشام الجخ ما بين الحب والشوق، والفراق والحنين، والفلاح والنيل والعديد من القصائد الشعرية الأخرى المميزة التي تربط الإنسان بالعديد من ذكرياته الماضية.
قصيدة عن الحب للشاعر هشام الجخ
فإليكم قصيدة عن الحب للشاعر هشام الجخ مقدمة من قسم قصائد وأشعار:-
هذا الحلم الاحد الصمد الساكن فيا
ماازلت وبرغم الثورة تحكمني حكما ملكيا
نانا البت الدوشة الظيطة
المغرب تنزل في الاستاد انا كنت دهل صغير لسة
بسرح شعري من الضهرية
وشايف شعرها نازل يدلع على خدها
المكوة البايظة كأنها عارفه معادي معاها اشتغلت وحدها
فرحت بيا سلالم بيتنا وانا نازل بتنطط فرحة
قلعت عنها حجاب الطرحة واعدت تدعي
شم المدخل ريحتي عرفني
غمزلي بعينيه عرفته كشفني كسفني
ضربته في عينه وطرت
زعق فيا وقالي هتفضل برضه صغير مهما كبرت
مدخل اللي مربيني كان دايما عايش ويايا
كان يسهر في الامتحانات ويوصلنا لغاية اللجنة ويستنانا
والمرادي قالي امانة امانة
يارايح لتسلم على نانا
اصحابي عايزني اوصفها
وانا مش لاقي في وصفها زي
شعرها اسود لا مش اسود
شعرها ناعم لامش ناعم
شعرها زي اللي ملوش زي
اسمها نانا وساكنه وريدي
بس الناس بيقولوا عليها ساكنه معانا في نفس الحي
مشيها زي غرير المي
رمشها زي جدايل ضي
جدها من النوع الوحداني اللي ملوش خي
نانا كانت لما بتضحك يحلا في عيني العمر الجي
كانت لما بتجرح قلبي تحلى لقلبي قولة اي
قال وصحابي بيقولوا اوصفها
طب والله نفسي اوصفها
بس هاتولي في وصفها زي
________________________
متزعليش لو يوم قالولك إنه مش باين عليه أثر الفراق
وإنه مش بيجيب في سيرتك وإنه عادي
لا بان عليه أثر الفراق ولا فيه ألم ولا فيه اشتياق
حجاش قصيده كتبها فيكي
هي دي اللي طلعتي بيها
أما هو خلاص نسيكي
عادته ولا هيشتريها
وإحنا قولنالك زمان مبتسمعيش
فمتزعليش
ثم هو مكنش نقوه
كان بيتأخر عليكي بالساعات
وكان مفلس
وشكله يعني مكانش هو
كل أصحابك عابوه
أهو غار في داهيه
وبكره يركع تحت رجلك سيد ابوه
بس يمكن كان حنين حبتين
هما بس حبتين
كان برضه بيسخف عليكي
كنتي فين ؟
ورايحه فين ؟
وجايه منين ؟
بس كان بيبان عليه
لما اسمك ييجي في الكلام
تلمع عليه
بس برضه كان سخيف
مكنش بيقدر ظروفك
كام مره قولتي مستحيل ويصر برضه إنه يشوفك
ومتزعليش
من قساوة الدنيا وعنادها العجيب
أنا كنت فاكر نفسي اقوي من النصيب
وكنت بتريق علي اللي مكملوش
مين كان يقول إن النهايه تكون فاشوش ؟؟
أنا لسه فاكر وقفتك وسط البنات
فاكر هدومك وابتسامتك والكلام
حتي السكات
لو كان فراقنا صحي فيكي كام وجع
أنا كل ليله بتدبح من الذكريات
أنا عندي ركن بحط فيه كل الحاجات
كل القصايد والألم
كل البنات
جيت اركنك جواه … رفض
ومكافاكيش
فمتزعليش
وإن جم قالولك إنه مش باين عليه اثر الفراق
متصدقيش
أنا لما ثبتك … كل حاجه اتغيرت
ريحة الشوارع والدكاكين القديمه والبيوت
كإني ببدأ من جديد رحلة حياتي
أو بموت
حسيت كإني نهيت حياتي … خنقتها
أنا كنت متخانق معاكي وقتها
مكنتش اقصد أقولك امشي مترجعيش
بس أنتي كنتي صغيره …. مفهمتيش
الطبع غلاب وأنتي عارفه
كنتي لازم تعذريني
معرفتش اترجاكي وأنتي بتدبحيني
ربونا ع الهيبه
وع الحب بقيامه
وإن لما البت تتقل يوم عليك …. بالسلامه
صدقيهم لو قالولك إني عصبي
أو فالاتي
وإني بعرف ألف واحده وقلبي بيغير يوماتي
صدقيهم لو قالولك أي كدبه عن حياتي
بس اوعي تصدقيهم لو قالولك إنه كان كداب معاكي محبكيش
وإن جم قالولك إنه مش باين عليه أثر الفراق
متصدقيش
مقالات أخرى قد تهمك:-
قصيدة هشام الجخ عن الأم كاملة مكتوبة
