جمعنا لكم من قسم نكت وفوازير نكت عن ابليس ، هناك الكثير من النكت المتداولة بين الناس عن ابليس كنوع من انواع نشر الضحك وحالة من البهجة، فهناك حالة من الجدل بين العلماء في حكم النكت عن إبليس فالبعض يوضح أنها محرمه والبعض يوضح انها جائزة، ولكن تلك النكت التي ننشرها فهي عبارة عن مواقف وليس عن شكل ابليس او صفاته لأن ذلك لا يعرفه إلى الله – سبحانه وتعالى – فإليكم نكت عن ابليس.
نكت عن ابليس
صومالى لبسه شيطان.. الشيطان مات من الجوع.
مرة واحد صعيدى كان عاوز ياكل مش، فراح جاب بلاص مش أكل أول طبق ودخل فى التانى ودخل فى الثالث والرابع وقال آه أنا نسيت اسمى (نسيت أقول بسم الله الرحمن الرحيم ) ودخل فى خامس طبق وقال أنا نسيت اسمى (نسيت أقول بسم الله الرحمن الرحيم) راح إبليس طلعله وقال سمى يا ابن العبيطة قلبى اتحرق.
مرة شيطان ندل عزم شوية شياطين أصحابه ودخلهم أوضة وقفل عليهم وشغل لهم القرآن وطلع يجرى!
إبليس عرف إن رمضان داخل.. فقعد يغنى رجب حوش صحبك عنى.
واحدة ست بتقول لجوزها ياريتنى كنت اتجوزت إبليس قالها هو فى حد برضه يتجوز أخته ده حرام.
مرة واحد داخل الحمام فقال أعوذ بالله من الخبث والخبائث فقاله الشيطان يا عم اعمل وانت ساكت.
اجتمع 5 شياطين على واحد غبى شيطان وسوس له و4 بيفهموا فيه.
محشش سمع إن الشيطان شاطر راح يدرس معاه.
إبليس راح يزور شارون وهو مريض، شاروون فرح قوى لما شاف إبليس وبدا يصحى من الغيبوبة، إبليس طلع وقاله: بحياة أبوك إوعى تموت لأنه شياطينى حالفة يمين تسلم وتسيب جهنم لو دخلتها.
فى مرة أم بتحكى لابنها أى شىء بيوقع منك على الأرض لحسو الشيطان فمرة طلع مع ستو فرجع على البيت قالت أمه: وين ستك قال: مش انتى قلتيلى أى شىء يوقع على الأرض لحسو الشيطان.
إيهود باراك – وجورج دبليو بوش -وأبو مازن.
ماتو أثناء اجتماع سلام.. المهم دخلوا كلهم الجحيم.
إيهود باراك قال: وحشتنى إسرائيل وعايز أكلمهم واطّمن الصهاينة عاملين إيه هناك.. اتصل بيهم واتكلم حوالى خمس دقايق.. وقال: ها إبليس.. عايز كام تمن المكالمة؟
إبليس قاله: خمسة مليون دولار.. وكتبله شيك ورجع قعد على كرسيه فى الجحيم تانى.
جورج بوش غار منه جدا وقعد يصرخ وهو بيقول: وأنـــــا كمان عايز اكلّم أمريكا واتّصل وقعد يتكلم حوالى دقيقتين وبعدين قال: هـــا إبليس عايز منى كام تمن المكالمة؟
إبليس قاله: عشرة مليون دولار وكتبله شيك ورجع يقعد على كرسيه فى الجحيم تانى.
أبو مازن غار منهم أكتر وبدأ يصرخ بهستريا ويقول: أنــــا كمان عايز أكلم السلطة الفلسطينية عاوز أشوف عملوا إيه وأوباما عمل سلام وريح شعبى ولا هوه ونتنياهو عمالين يعملوا اجتماعات وبس زى إلى كنا بنعملها؟
وعايز أعرف الناس فى غزة عاملين إيه هناك ماتوا ولا لسه وعايز اكلّم الوزراء وعايز اكلم كل واحد.. المهم اتصل وقعد يتكلم.. يتكلم.. يتكلم.. حوالى كدا 20 ساعة وبعدين قال: هــا أخى حبيبى إباليسو عايز منى كام تمن المكالمة؟
إبليس قال: دولار واحد
فرد أبومازن وقاله: إيش.. دولار واحد بس؟
إبليس رد عليه وقال: أيوه من الجحيم للجحيم مكالمة محلية.
كان ياما كان فيه حاكم لقـى فانـوس سحـرى قام دعكـه فطلعلـه منـه إبليـس
قاله : شبيـك لبيـك تطلـب إيه؟
قاله الحاكم: بـص بقـى يا عـم إبليـس أنا عمـلت فى الشعـب بتاعـى كل حاجـة.. قوللى بقى علـى حاجـة جديـدة أعملـها عشان أخليه يبطل كلام عن الحرية.
إبليس قاله: بس كـده.. بسيطـة.. هـات ودنـك.. وش وش وش وش وش.
قام الحاكم قاله: إيه ياعـم لعـب العيـال ده.. ده كـلام برضـه، يا عم أنت شكـلك كـده إبليـس نص كـمّ ، لا ليـك فى العفـرته ولا حاجة..هات ودنـك بقـى أقـولك أنا بأعمـل إيه فى الشعـب بتاعى.. وش وش وش وش وش.
قام إبليس وشه اصفرّ وقاله: يا راجـل اتّـقى الله.
قام الشيطان إمبارح الصبح ولم كل متعلقاته وسايب البلد وماشى الناس كلها جريت وراه سيبنا ورايح فين يا شيطان هتلاقى ناس زينا فين كدابين ومنافقين وحرامية..
رد الشيطان وقال.. أنا بخلى الواحد يسرق ويبقى من الأغنياء وبخلى الواحد يغش ويبقى من الكبار والواحد يزور فى الانتخابات ويدخل مجلس الشعب وبكبر الناس لحد رئيس الجمهورية وفى الآخر أدخل على أى حد فيهم ألاقيهم معلقين يفطة كبيرة مكتوب عليها.. هذا من فضل ربى.. وعوزنى أرجع؟
مقالات أخرى قد تهمك
نكت ظريفة
